والدا هدير ينفيان عملها على عربة شاي: ”بنتي كانت عروسة وراحت في غمضة عين
نفى والد ووالدة هدير، ضحية حادث حدائق الأهرام، ما تردد حول عملها على عربة لبيع الشاي، مؤكدين أن ابنتهما لم تكن بحاجة للعمل وأنها كانت تعمل مدرسة.
وقال والد هدير: "بنتي كانت عروسة وراحت في غمضة عين، ربنا يجيب حقها، وأنا مش عارف حاجة عن موضوع عربية الشاي ولا إيه اللي وداها هناك، ومش عايز حد يكلمني أو يسألني عن حاجة، سيبوني في اللي أنا فيه".
فيما أكدت والدة هدير: "بنتي مش بتبيع شاي ولا قهوة ولا الكلام اللي الناس بتقوله ده، بنتي كانت بتشتغل مدرسة، ومعرفش إيه اللي وداها هناك أصلاً، وإحنا مش محتاجين إنها تشتغل، إحنا ناس مرتاحين جدًا ومش محتاجين فلوس".
وتواصل الجهات المختصة التحقيق في واقعة حادث حدائق الأهرام لكشف ملابساتها كاملة، وتحديد المسؤوليات القانونية.